Xornadas sobre a historia de Galicia no Concello de Zas

O Concello de Zas, a través do Servizo de Normalización Lingüística, en colaboración coa Deputación da Coruña organiza as Xornadas sobre a Historia de Galicia.
As actividades estarán conformadas por unha exposición de Edicións A Nosa Terra sobre a historia de Galicia e un ciclo de conferencias.
A exposición, obra do ilustrador Pepe Carreiro (Os Bolechas), estará dende o día 5 até o día 16 de abril no Anexo ao Polideportivo de Baio. Está prevista a visita do alumnado dos centros de ensino do Concello que será agasallado cunha publicación da Editorial A Nosa Terra sobre o tema.
Para concertar unha visita guiada a esta exposición poden poñerse en contacto co Servizo de Normalización Lingüística do Concello a través do teléfono 981 708 303.
O día 9 de abril as 20:00 h no Anexo ao Polideportivo de Baio o técnico en xestión cultural e museólogo da Deputación da Coruña, Felipe Senén, desenvolverá a conferencia O patrimonio cultural galego, o estado da cuestión.
As xornadas tamén inclúen un ciclo de conferencias nos centros de ensino que comezarán o día 6 de abril no CPI de Zas coa conferencia A historia do Concello de Zas a través dos seus nomes a cargo de Pepe B. Alborés, técnico de normalización lingüística do Concello de Zas.
O día 12 de abril, no IES Maximino Romero Lema, terá lugar a seguinte actividade, unha conferencia do historiador Bieito Alonso titulada A nosa historia.
A última das conferencias nos centros de ensino terá lugar o día 14 de abril no CEIP Labarta Pose de Baio. Correrá a cargo do xeógrafo e historiador Evaristo Domínguez Rial e levará por título Aproximación histórica ao Concello de Zas.

Que pasa na costa.com

Chuza.org

La Voz de Galicia

CTNL

Unidade Técnica de Normalización Lingüística da Deputación da Coruña

Finisterrae.com

Participantes nos obradoiros de linguaxe non sexista

O SNL do Concello de Zas está desenvolvendo durante o mes de marzo uns obradoiros de linguaxe non sexista.

Os obxectivos principais destes obradoiros son o de procurar a utilización dunha linguaxe cun tratamento igualitario entre homes e mulleres e o de loitar contra os estereotipos lingüísticos sexistas e as expresións androcéntricas na linguaxe.

De momento os obradoiros estanse a desenvolver en Zas e en Fornelos.

Participantes no Obradoiro de linguaxe non sexista de Zas

Imaxe en alta resolución

Participantes no Obradoiro de linguaxe non sexista de Fornelos

Imaxe en alta resolución

Obradorio de linguaxe non sexista

Curso de Actualización da Linguaxe administrativa galega para o persoal das entidades locais da provincia da Coruña

A Deputación da Coruña ten aberto o prazo para se inscribir nos cursos do Plan de formación agrupado 2010 que comezan antes do verán.

Entre os cursos convocados está un de Actualización da Linguaxe administrativa galega.

Os obxectivos deste curso son:

– Redactar con corrección a linguaxe técnica administrativa galega
– Coñecer e empregar léxico básico relacionado coa xestión pública
– Aplicar as convencións e regras de estilo aos documentos
– Redactar eficazmente os documentos de transmisión propios da xestión
administrativa
– Coñecer e manexar os recursos de apoio á aprendizaxe
– Redactar con corrección a linguaxe técnica administrativa galega- Coñecer e empregar léxico básico relacionado coa xestión pública- Aplicar as convencións e regras de estilo aos documentos- Redactar eficazmente os documentos de transmisión propios da xestiónadministrativa- Coñecer e manexar os recursos de apoio á aprendizaxe

Os contidos que se tratarán son os seguintes:

1.- Gramática:
– Problemas gramaticais da linguaxe de especialidade
2.- Léxico:
– O léxico administrativo
– A fraseoloxía administrativa
3.- Redacción e estilo:
– A variedade lingüística administrativa
– Características e modernización da linguaxe administrativa
– A linguaxe sexista
– Criterios de utilización dos signos de puntuación e doutros signos
ortográficos nos documentos administrativos
– Algunhas convencións gráficas nos documentos administrativos
4.- Documentación:
– Cuestións de formato
– Estrutura xeral común para todos os documentos administrativos
– Distintos tipos de documentos administrativos

O curso desenvolverase en 3 edicións:

Cerdido 10, 12, 19, 24, 26, 31 de maio; 2 e 7 de xuño de 17:00 a 20:00
A Coruña 4, 6, 11, 13, 18, 20, 25 e 27 de maio de 17:00 a 20:00
Cee 11, 13, 18, 20, 25, 27 de maio;1 e 3 de xuño de 17:00 a 20:00

O  prazo para anotarse remata o día 22 de marzo

Páxina de formación da Deputación da Coruña
Información do Curso de actualización da linguaxe administrativa galega
Folla de inscrición

Obradoiro de linguaxe non sexista

Durante todo o mes de marzo, para conmemorar o Día da Muller Traballadora, o Concello de Zas, a través do Servizo de Normalización Lingüística desenvolverá uns obradoiros de linguaxe non sexista.

Os obxectivos principais destes obradoiros son o de procurar a utilización dunha linguaxe cun tratamento igualitario entre homes e mulleres e o de loitar contra os estereotipos lingüísticos sexistas e as expresións androcéntricas na linguaxe.

As persoas asistentes aos obradoiros poderán identificar os caos de uso sexista da linguaxe e disporán das ferramentas axeitadas para evitalos. As sesión desenvolveranse de xeito práctico, centradas fundamentalmente na análise de documentos reais.

Os obradoiros terán unha duración de 6 horas repartidas en varias sesións e desenvolveranse en Baio, Zas e Fornelos.

Contactar co SNL do Concello de Zas

Prensa:

CTNL

La Voz de Galicia

Lingua de Amor

SNL do Concello de Zas is powered by Wordpress | WordPress Themes