BANEP, actividades para os centros de ensino dende o SNL de Pontevedra

O BANEP é un banco que atesoura máis de 200 actividades para a normalización lingüística desenvoltas polos centros de ensino de Pontevedra. Realizado pola Concellaría de Normalización Lingüística do Concello de Pontevedra en colaboración cos equipos de normalización lingüistica dos IES, CEIP e EEI deste concello, está dispoñible na rede desde o curso 2010-2011.

BANEP

Un verán de lecer. Propostas de creacións culturais

O Servizo de Normalización Lingüística (SNL) do Concello de Zas, en colaboración cos SNL dos concellos de Cabana de Bergantiños, Carballo, Malpica de Bergantiños e Ponteceso editou, por segundo ano consecutivo, Un verán de lecer.

Na edición e difusión desta publicación colaboraron tamén os Equipos de dinamización lingüística (EDNL) dos centros de ensino dos concellos participantes, a Unidade técnica de normalización lingüística da Deputación da Coruña e a Secretaría Xeral de Política Lingüística.

A publicación, recolle unha serie de recomendacións literarias, musicais e audiovisuais en lingua galega clasificadas por idades, co obxectivo de que os potenciais consumidores coñezan a oferta existente en produtos culturais en lingua galega.

Editáronse un total de 8000 exemplares que se repartirán nos centros de ensino e nos servizos de normalización lingüística das comarcas da Terra de Soneira e Bergantiños e nos SNL dos concellos da provincia.

Un verán de lecer. Propostas de creacións culturais. 2001 (PDF)

Galegobook. Un novo e necesario recurso

Galegobook é un proxecto sen ánimo de lucro que pretende ser un espazo onde publicar, compartir e conversar sobre un grande número de libros electrónicos que circulan pola rede sobre o galego (lingua, gramática, fonética, sociolingüística, manuais, terminoloxía…).

Para facilitar a procura de material, no Galegobook acharás un grande número de manuais clasificados segundo a autoría e a materia que trata. Ademais, ao final de cada entrada, as persoas usuarias poderán engadir os seus comentarios para o compartiren co resto de lectores.

Ao mesmo tempo, tentarán publicar os artigos máis salientábeis que, sobre o galego, aparezan na prensa tradicional e nos novos medios.

Galegobook

Universo Pereiro en Culturagalega.org

Durante os últimos meses en Culturagalega.org dedicaron unha atención especial a figura do homenaxeado co gallo das Letras Galegas este ano, Lois Pereiro.

Neste especial achéganse a súa biografía, a súa relación coa música (influencia da música na súa obra, versións, poemas musicados…) e ofrécennos un dossier no que se recollen estudos e materiais audiovisuais relacionados co autor monfortino.

Culturagalega.org | Universo Pereiro

Dossier Lois Pereiro

Os meus favoritos. Guía para difundir o uso da lingua galega en Internet


Os concellos de Carballo, Malpica de Bergantiños, Ponteceso e Zas, a través dos seus servizos de normalización lingüística, difunden unha guía con preto de 200 sitios web en galego de distintas temáticas.
Os 8.000 exemplares da guía difúndense en centros de ensino, asociacións, espazos municipais, etc.
Con Os meus favoritos preténdese contribuír á difusión da información en lingua galega, ao mesmo tempo que da música, do deporte, da creación artística… Tamén ao uso en galego dos sistemas operativos, paquetes ofimáticos, navegadores ou redes sociais como Facebook ou Tuenti.

Os concellos de Carballo, Malpica de Bergantiños, Ponteceso e Zas, a través dos seus servizos de normalización lingüística, acaban de editar a guía Os meus favoritos, un catálogo que recolle preto de 200 enderezos de sitios web en galego de ámbitos tan diversos como a banda deseñada, o deporte, o audiovisual, a información cultural, a mocidade, as redes sociais, os xogos, etc.

De Os meus favoritos editáronse entre os catro concellos 8.000 exemplares en papel, que serán distribuídos nos centros de ensino, edificios públicos, aulas de informática, asociacións, etc. Ademais, todas as persoas interesadas poden solicitalo no Servizo de Normalización Lingüística (SNL) dos catro concellos que impulsan a iniciativa. Ademais, a guía tamén se difundirá en formato dixital a través de webs e correo electrónico.

Os obxectivos desta iniciativa son facilitar o descubrimento e o coñecemento do ciberespazo en galego, vencellar a lingua galega con novos e modernos espazos de uso, concretamente na rede e nas novas tecnoloxías, e contribuír á difusión da información de todo tipo na nosa lingua.

O 17 de maio é o Día… de Internet

Desde o ano 1963 celebramos e reivindicamos o 17 de maio, Día das Letras Galegas, a nosa lingua e as nosas letras pero, a partir de 2006, ese mesmo día celebramos, ademais, o Día de Internet. Todo isto fai que o 17 de maio sexa unha xornada de celebración e reivindicación simultánea que se converte nunha moi boa ocasión para intensificar a relación imprescindible entre a lingua e a rede.

Do Facebook e o Tuenti en galego a xogos en liña
A guía Os meus favoritos recolle enderezos de sitios web en galego de todo tipo, desde páxinas para comprar orixinais camisolas, até sitios para escoitar a música galega emerxente, para consultar información cultural ou deportiva ou para xogar en rede ao Trivial ou ao Catapalabras. Tamén recolle información sobre como configurar en galego os sistemas operativos, paquetes ofimáticos ou navegadores máis populares ou como usar en galego o Facebook ou o Tuenti.

O galego precisa de internet e internet precisa do galego!!

Os meus favoritos. Guía de enderezos de Internet (PDF)


Programación Letras Galegas 2011

III Concurso de Marcapáxinas
A Biblioteca Municipal, con motivo da celebración das Letras Galegas, convoca este concurso no que poden participar todos os alumnos dos centros de ensino do Concello así como os adultos. Establécense 3 categorías (benxamín, infantil, xuvenil)
10 de Maio
Sesión de Contacontos, a cargo da Compañía do Trinke Trinke
Biblioteca Municipal (18.15 h)
14 de Maio
Entrega de Premios do III Concurso de Marcapáxinas
Centro socio-Cultural ás 18.30h
Foliada Tradicional coa participación do grupo Churía da
A.C. Castro Meda
18 de Maio
A Locamotora Teatro: O tenderete da cachifallada
-11.00h.- Auditorio do Concello
-15.00h.-Auditorio de Baio
20 de Maio
Teatrovador: Hamelin BomBom
-11.00h.- Auditorio do concello
-15.00h.- Auditorio de Baio
24 de Maio
Sesión de Contacontos, a cargo da Compañía do Trinke Trinke
Biblioteca Municipal (18.15 h)

A Mesa gaña o II Premio Rosalía de Castro de lingua

Membros do xurado do II Premio Rosalía de Castro de lingua

A Mesa pola Normalización Lingüística é a entidade gañadora da II edición do premio Rosalía de Castro de Lingua, convocado pola Deputación da Coruña.

A concesión do galardón foi feita pública esta mañá durante unha rolda de prensa que contou coa asistencia do deputado responsable da área de Benestar Social, Políticas de Igualdade de Xénero e Normalización Lingüística, Xoán Manuel Sande Muñiz e dos membros do xurado, presidido por Salvador Fernández Moreda, e integrado por Manuel Rico Verea, da secretaría xeral de Política Lingüística; Xosé Manuel Sánchez Rei, da Asociación Cultural Alexandre Bóveda; Manuel Núñez Singala, da Universidade de Santiago; Marcos Mosquera, do Colexio Profesional de Xornalistas de Galicia, e Pilar García Negro, da Universidade da Coruña.

Segundo explicou Sande Muñiz, trátase dun premio de carácter honorífico, pois non conta con dotación económica, e recaeu na Mesa pola Normalización Lingüística “pola súa traxectoria de 25 anos a prol da normalización da lingua galega en moitos ámbitos sociais e públicos e como impulsora continuada da legalidade derivada da Lei 2/19983 de normalización lingüística de doutras leis autonómicas e do Estado”.

Carlos Callón, Presidente d’A Mesa pola Normalización Lingüística

O deputado provincial anunciou que o acto formal de entrega do galardón terá lugar o vindeiro 7 de maio, durante a IV edición da Festa da Lingua que este ano se celebra en Carballo, e que contará coas actuacións de Marful e Berrobambán.

Pola súa banda, o voceiro do xurado, Manuel Núñez Singala, destacou a “dilatada traxectoria” da Mesa, “que é a maior entidade galega por número de socios” e que nos seus 25 anos de traxectoria “apenas foi premiada en Galicia, aínda que recibiu múltiples recoñecementos no exterior”.

A Mesa pola Normalización Lingüística impúxose a outras sete candidaturas, “todas elas merecedoras do premio”, segundo manifestou o voceiro do xurado.

Parabéns.

A Mesa pola Normalización Lingüística

IV Festa da Lingua

IV Festa da Lingua

Un ano máis a Deputación da Coruña organiza a Festa da Lingua.

Este ano colaboran na organización os SNL dos concellos de Cabana de Bergantiños, Carballo, Malpica de Bergantiños, Ponteceso e Zas.

A festa será o día 7 de maio as 21:00 horas no Pazo da Cultura de Carballo.

O acto estará presentado por Yolanda Castaño e nel actuarán Berrobambám e Marful.

Leranse dous manifestos redactados por Xurxo Borrazás e por Yolanda Castaño e entregaranse os premios Rosalía de Castro de lingua galega, convocado pola Deputación da Coruña,  e de artigos xornalísticos normalizadores,  convocado polo Concello de Carballo.

As entradas serán de balde pero é preciso reservalas no teléfono 981 704 304 entre o 2 e o 6 maio.

Información en Quepasanacosta.com

Información na web do Concello de Carballo

As túas presentacións con xeito

O SNL da USC, a través da Área de asesoramento dache as liñas mestras para crear presentacións dixitais eficientes de de calidade.

Parabéns

Presentacións eficientes de calidade (SNL da USC)

Xeración dos Axóuxeres

Dende a Secretaría Xeral de Política Lingüística veñen de editar uns materiais para promocionar a transmisión interxeracional da lingua.

Entre outras cousas podemos atopar un repertorio de nomes en galego para nenas e nenos, unha selección de cantigas de berce ou algúns xogos para desfrutar cos cativos e cativas.

Outra iniciativa interesante é a desenvolvida polo Concello de Narón que tamén ofrece de recursos aos pais e nais que desexen iniciar á crianza no uso da lingua galega.

Xeración dos Axóuxeres

SNL do Concello de Zas is powered by Wordpress | WordPress Themes