Listaxe de persoas admitidas e excluídas nas probas de Celga 4 e Celga 2 do 18 e 19 de xuño

A SXPL xa publicou as listaxes de persoas admitidas e excluídas nas probas de Celga 4 e Celga 3 que se desenvolverán os vindeiros días 18 e 19 de xuño respectivamente.

Listaxe de persoas admitidas e excluídas nas probas Celga. Convocatoria de xuño de 2011

Resolución da concesión de cursos preparatorios das probas Celga a colectivos

O 25/03/2011 a SXPL publicou a Resolución da concesión de cursos preparatorios das probas Celga a colectivos.

Resolución da provincia da Coruña

Todos os cursos comezarán o vindeiro 6 de abril.

Na Costa da Morte  hai cursos nas seguintes localidades:

Zas-Celga 4

Carballo -Celga 2/Celga 4
Malpica -Celga 3
Ponteceso-Celga 3

Quedan prazas libres nos concellos de Zas e Ponteceso.

Podedes anotarvos nos SNL dos concellos de Zas, Ponteceso, Malpica de Bergantiños, Carballo ou Cabana de Bergantiños.

Outros cursos nas comarcas de Bergantiños, Terra de Soneira e Fisterra:

Cee -Celga 3

Fisterra-Celga 4

Laxe -Celga 4
Muxía – Celga 4

A Laracha- Celga 4
Camariñas- Celga 2

Convocatoria de cursos en liña para preparar as probas de Celga 1

A Secretaría Xeral de Política Lingüística convoca tres cursos en liña para a preparación das probas para a obtención do Celga 1. Os cursos terán lugar do 4 de abril ao 15 de xuño, e a matrícula está aberta até o 20 de marzo

Persoas destinatarias
Esta convocatoria está dirixida a todas as persoas maiores de 16 anos interesadas en preparar a proba do Celga 1 e que teñan coñecementos informáticos a nivel usuario/a.

Datas do curso
4 abril – 15 de xuño (10 semanas)

Desenvolvemento do curso
Se se cobren 150 matrículas, organizaranse 3 cursos. Cada curso terá 50 persoas e contará cun titor ou titora.

Matrícula
As persoas que desexen participar nestes cursos deberán enviar unha mensaxe electrónica ao enderezo sxpl.formacion@xunta.es cos seguintes datos:
-Nome e apelidos
-DNI con letra
-Enderezo electrónico e teléfono de contacto
-Lugar de residencia
-Nivel de estudos

Prazo de matrícula
Do 1 de marzo ao 20 de marzo ambos os dous incluídos

Criterios de selección
A selección farase por rigorosa orde de matrícula e até cubrir as 150 persoas que se admitirán nos cursos.

Teléfonos información
981 957654 – 981 544402 – 981 546835

Información completa da convocatoria (PDF)

Vía CTNL

Cursos Celga nas comarcas da Terra de Soneira e Bergantiños

Logo de organizaren de maneira conxunta o IV Encontro de normalización lingüística desde as administracións locais da Coruña e a distribución das cartas para os Reis Magos (en colaboración coa Deputación da Coruña), os Servizos de Normalización Lingüística (SNL) dos concellos de Cabana de Bergantiños, Carballo, Malpica de Bergantiños, Ponteceso e Zas organizarán de maneira conxunta os cursos de preparación para as probas dos Celga durante o ano 2011.

Os cursos que pretenden organizar son os seguintes:

Celga 2 – Carballo
Comezo 4 de abril
Remate 15 de xuño
Días De luns a xoves
Horario De 17.30 h a 19.30 h
Lugar Pazo da Cultura de Carballo
Celga 3 – Cabana de Bergantiños
Comezo 4 de abril
Remate 15 de xuño
Días De luns a xoves
Horario Sen confirmar
Lugar Sen confirmar
Celga 3 – Malpica de Bergantiños
Comezo 4 de abril
Remate 15 de xuño
Días De luns a xoves
Horario De 19.00 h a 21.00 h
Lugar Centro Cívico de Malpica
Celga 4 – Carballo
Comezo 4 de abril
Remate 15 de xuño
Días De luns a xoves
Horario De 19.30 h a 21.30 h
Lugar Pazo da Cultura de Carballo
Celga 4 – Ponteceso
Comezo 4 de abril
Remate 15 de xuño
Días De luns a xoves
Horario De 20.00 h a 22.00 h
Lugar Casa do Concello de Ponteceso
Celga 4 – Zas
Comezo 4 de abril
Remate 15 de xuño
Días De luns a xoves
Horario De 20.30 h a 22.30 h
Lugar

O prazo de inscrición será do 1 ao 23 de febreiro.

As persoas interesadas poden inscribirse para calquera dos cursos nos SNL dos concellos de Cabana de Bergantiños, Carballo, Malpica de Bergantiños, Ponteceso ou Zas.

Para inscribirse deberán cubrir unha solicitude que se lle facilitará nos SNL.

Os cursos son gratuítos e debe haber un mínimo de 20 persoas anotadas para que se poidan solicitar.

O seu desenvolvemento está condicionado á concesión da organización por parte da Secretaría Xeral de Política Lingüística da Xunta de Galicia.

Folla de inscrición

Convocatoria de cursos de linguaxe administrativa galega e de preparación para as probas Celga


Mediante a orde do 29 de decembro de 2010(DOG de 14/01/2011), a Consellaría de Educación e Ordenación Universitaria da Xunta de Galicia convoca cursos de linguaxe administrativa e de preparación para as probas  Celga.

Os ditos cursos desenvolveranse nas escolas oficiais de idiomas da Comunidade Autónoma.

Cursos de linguaxe administrativa galega

Persoas destinatarias:

Persoal das diferentes administracións públicas de Galicia que se encontre en situación de servizo activo ou excedencia polo coidado dun fillo ou dun familiar. Exceptúase o persoal docente da Consellería de Educación e Ordenación Universitaria e o persoal sanitario, sempre que non desempeñen postos na Administración xeral.

Persoas maiores de dezaseis anos que non sexan empregados/as públicos/as e posúan os certificados ou acreditacións equivalentes necesarios para a matrícula nestes cursos. As  súas solicitudes só serán tidas en conta no caso de que non se cubran as prazas ofertadas para cada curso por empregados/as públicos/as.

Certificados ou acreditacións necesarias para a inscrición:

O alumnado que aspire a participar no curso medio de linguaxe administrativa engadiralle ao modelo de solicitude unha copia compulsada da certificación que acredite que ten superado ou validado o curso básico de linguaxe administrativa galega, de perfeccionamento de lingua galega ou certificado de lingua galega 4 (Celga 4).

O alumnado que aspire a participar no curso superior de linguaxe administrativa engadiralle ao modelo de solicitude unha copia compulsada da certificación que acredite que ten superado ou validado o curso medio de linguaxe administrativa galega.

Solicitude e prazos:

As solicitudes presentaranse na secretaría da escola oficial de idiomas onde teña lugar o curso, sen prexuízo do dereito á presentación de acordo co disposto no artigo 38º.4 da Lei de réxime xurídico das administracións públicas e do procedemento administrativo común. Neste caso, remitirase unha copia da solicitude de matrícula e a documentación requirida por fax ou correo electrónico á escola oficial de idiomas correspondente, sempre coa maior celeridade posible para que poida ser tida en conta na selección.

Os prazos para a presentación das solicitudes serán os seguintes:

-Para a quenda de febreiro/marzo: 20 días naturais contados a partir do día seguinte ao da publicación desta orde no Diario Oficial de Galicia.

-Para a quenda de outubro: do 1 ao 20 de setembro de 2011.

Deberase utilizar para a solicitude o modelo de instancia que vai como anexo a orde. (PDF)

Datas,  horarios e lugares de desnevolvemento dos cursos:

Datas,  horarios e lugares de desenvolvemento dos cursos de linguaxe administrativa galega(PDF)

Cursos de preparación para as probas Celga

Persoas destinatarias:

Persoas maiores de dezaseis anos, ou aqueles que os cumpran no ano natural da convocatoria.

Certificados ou acreditacións necesarias para a inscrición:

Non existen

Solicitude e prazos:

As solicitudes presentaranse na secretaría da escola oficial de idiomas onde teña lugar o curso a partir do día seguinte ao da publicación desta orde e ata cinco días antes da data establecida por cada escola oficial de idiomas para o inicio do curso, sen prexuízo do dereito á presentación de acordo co disposto no artigo 38º.4 da Lei de réxime xurídico das administracións públicas e do procedemento administrativo común. Neste caso remitirase unha copia da solicitude de matrícula e a documentación requirida por fax ou correo electrónico á escola oficial de idiomas correspondente, sempre coa maior celeridade posible para que poida ser tida en conta na selección.

Deberase utilizar para a solicitude o modelo de instancia que vai como anexo a orde. (PDF)

Datas, horarios e lugares de desenvolvemento dos cursos:

Datas, horarios e lugares de desenvolvemento dos cursos de preparación para as probas Celga (PDF)


Orde do 29 de decembro de 2010 pola que se convocan, con carácter gratuíto, cursos de linguaxe administrativa galega e cursos preparatorios para os certificados de lingua galega, Celga, que se realizarán nos períodos e nas escolas oficiais de idiomas de Galicia que se indican. (PDF)




Listaxes de persoas admitidas e excluídas para as probas de Celga do mes de novembro

Celga 2

Persoas admitidas para participar nas probas de Celga 2 en Santiago de Compostela

Persoas admitidas para participar nas probas de Celga 2 na Coruña

Persoas excluídas para as probas de Celga 2 na Coruña

Celga 4

Persoas admitidas para participar nas probas de Celga 4 en Santiago de Compostela

Persoas excluídas para as probas de Celga 4 en Santiago de Compostela

Persoas admitidas para participar nas probas de Celga 4 na Coruña

*


Lugares e horarios de desenvolvemento das probas de Celga 2

Lugares e horarios de desenvolvemento das probas de Celga 4

Curso de Celga 1 en liña

A SXPL presentou o primeiro curso en liña para a preparación das probas de certificación de lingua galega no nivel 1. Trátase do inicio da posta en marcha dun sistema de formación a través dunha plataforma virtual que ten como obxectivo potenciar a aprendizaxe do galego

A Secretaría Xeral de Política Lingüística convoca o primeiro curso Celga 1 en liña orientado á preparación das probas de certificación de lingua galega deste nivel.

O curso está deseñado para ser realizado en trinta horas de aprendizaxe en liña e dispón das máis modernas tecnoloxías para resultar atractivo, ameno e cumprir os obxectivos de acadar o nivel básico de coñecementos de lingua. Distribúese en dez unidades, que constan de tres bloques cada unha. Ademais dos formatos clásicos de preguntas pechadas, para unir parellas ou encher ocos, o curso tamén combina imaxes animadas, textos e locucións, así como a posibilidade de gravación da voz do alumno. Así mesmo, a actividade dispón de fiestras con ligazóns externas nas que o alumnado poida atopar máis información ou explicacións de tipo gramatical relacionadas cos contidos da unidade na que se estea traballando. A avaliación do curso realízase mediante tests.

Os participantes no curso contarán coa supervisión dun titor, e disporán ademais dun menú de uso persoal con acceso ao correo interno da plataforma para a comunicación co titor.

Persoas destinatarias
Esta convocatoria está dirixida a todas as persoas maiores de 16 anos interesadas en preparar a proba do celga 1 e que teñan coñecementos informáticos a nivel usuario.

Datas do curso
Do 4 setembro ao 12 de novembro de 2010

Matrícula
As persoas que desexen participar nestes cursos deberán enviar unha mensaxe electrónica ao enderezo sxpl.formacion@xunta.es. Non serán admisible outra forma de inscrición.

Na mensaxe que envíen indicarán:

* Nome e apelidos
* DNI con letra
* Enderezo electrónico e teléfono de contacto
* Lugar de residencia
* Nivel de estudos

Prazo de matrícula
Do 9 de xuño ao 15 de xullo ambos os dous incluídos.

Criterios de selección
A selección farase por rigorosa orde de matrícula e ata cubrir as 105 persoas que se admitirán nos cursos.

Requisitos técnicos
As persoas solicitantes destes cursos deberán dispor dun equipo informático que cumpra os seguintes requisitos técnicos:

* ordenador con conexión á internet (preferiblemente co navegador Explorer)
* plugin de flash descargado e actualizado (para poder ver as imaxes)
* conta de correo electrónico

Publicación da relación das persoas seleccionadas e convocatoria para a presentación dos cursos
A listaxe de admitidos, cos grupos de cada curso e co titor ou titora encargado de cada un farase pública na páxina web www.xunta.es/linguagalega. Tamén se indicará o lugar e a hora en que as persoas admitidas serán convocadas para presentación e explicación do curso. Antes do comezo do curso o titor ou titora comunicarase por correso electrónico cos alumnos e alumnas admitidos.

O facer este curso non dá dereito a ningún tipo de certificado.

Os cursos son voluntarios, preparatorios da proba do Celga 1 e gratuítos.

Teléfonos de información: 981 957654 – 981 544402 – 981 546835

Máis información

Vía: CTNL

SNL do Concello de Zas is powered by Wordpress | WordPress Themes